Morgunkornin verða á sínum stað í vetur sem og aðrir reglulegir viðburðir.
Við byrjuðum dagskrána á hinu hefðbundna Morgunkorni á Bókasafnsdaginn þann 8. september sl. þar sem Katrín Jakobsdóttir, formaður VG, hélt frábært erindi sem upptöku af má sjá hér.

Miðvikudaginn 25. október verður Morgunkorn tileinkað alþjóðlegri viku opins aðgangs sem stendur yfir dagana 23.-29. október. Það verður haldið í fyrirlestrarsal Landsbókasafns Íslands – Háskólabókasafns og stendur yfir frá klukkan 8:30-9:45.

Fimmtudaginn 16. nóvember heldur Katrín Níelsdóttir, upplýsingafræðingur á Bókasafni Reykjanesbæjar, erindi á Morgunkorni um MIS verkefni sitt í Upplýsingafræði. Lokaverkefni hennar heitir, Are we social enough for social media? A study of social media use within Icelandic public libraries, og er aðgengilegt á Skemman.is. Morgunkornið verður haldið á Bókasafni Mosfellsbæjar frá kl. 8:30 til 9:45. Smellið hér til að skrá ykkur á Morgunkornið.

Föstudaginn 24. nóvember stendur Upplýsing fyrir málþingi með yfirskriftina, Samstarf og samstaða. Tilgangur málþingsins er að vekja athygli á þeirri þörf sem er jafn mikilvæg nú og áður, að bókasöfnin í landinu og starfsfólk þeirra, starfi og standi saman. Við fáum erindi frá fyrirlesurum og pallborðsumræður þar sem við spáum í hvað við erum nú þegar að gera gott í samstarfi og veltum kannski fyrir okkur hvað við getum gert betur og hvaða væntingar við höfum til samstarfs, bæði innan og þvert á safnategundir. Málþingið verður haldið frá kl 13-17 í húsnæði Háskóla Íslands (stofu N-132 í Öskju). 
Strax á eftir málþinginu þann 24. nóvember höldum við hina árlegu jólagleði Upplýsingar. Hún verður haldin á Bókasafni Seltjarnarness og munu nánari upplýsingar koma síðar.
Smellið hér til að fara á vefsíðu málþingsins og jólagleðinnar