Næsta Morgunkorn Upplýsingar verður haldið þriðjudaginn 16. maí kl 8:30 – 9:45 á Kringlusafni Borgarbókasafns.
 
Við tökum forskot á Bókasafnsdaginn og heyrum fyrirlestur frá Salvör Nordal tengdum þema Bókasafnsdagsins í ár. Í ár ætlum við að leggja áherslu á hlutverk og mikilvægi bókasafna þegar kemur að lýðræði og upplýsingalæsi.
 
Lestur er bestur – fyrir lýðræðið.
 
Salvör þarf vart að kynna en hún er forstöðumaður Siðfræðistofnunar ásamt því að kenna við sagnfræði- og heimspekideild Háskóla Íslands. 
Hér má finna vefsíðu Salvarar – http://uni.hi.is/salvorn/
 
Morgunkorninu verður streymt beint á YouTube og mun tengill á streymið verða sendur út bráðlega.
 
Aðgangur að Morgunkorni er gjaldfrjáls fyrir félagsmenn.
 
Skráningu lýkur á hádegi mánudaginn 15. maí.