Bókasafnsdagurinn 7.september 2018

Lestur er bestur – fyrir vísindi

Taktu þátt

Markmið bókasafnsdagsins er tvíþætt:

  1. Að vekja athygli á mikilvægi bókasafna í samfélaginu
  2. Vera dagur starfsmanna safnanna.

Dagurinn okkar

Bókasafnsdagurinn er dagur þeirra sem starfa á bókasöfnunum. Við hvetjum öll bókasöfn og upplýsingamiðstöðvar til þess að vera með. Ekki gleyma því að njóta dagsins og gera eitthvað fyrir eða með starfsmönnum.

Lestur er bestur

Mikilvægi lesturs og læsis er óumdeilanlegt. Bókasöfnin eru einn af hornsteinum lestrarmenningar Íslands og þess vegna leggjum við áherslu á læsi í slagorði bókasafnsdagsins: Lestur er bestur

Mikilvægi bókasafna þágu vísinda

Bókasafnsdagurinn í ár er tileinkaður vísindum af öllum toga. 

Hvatningarverðlaun Bókasafnsdagsins

Hvatningarverðlaun Bókasafnsdagsins verða í fyrsta sinn veitt á bókasafnsdaginn 2018. Þau eru veitt starfsmönnum starfsstaða og/eða starfstöðum fyrir einstök verkefni er stuðla að auknu nýbreytni- og þróunarstarfi á bókasöfnum.

Markmiðið með verðlaununum er að:

  • Veita bókasöfnum jákvæða hvatningu í starfi.
  • Vekja athygli á því gróskumikla starfi sem fram fer á vegum bókasafna
  • Stuðla að auknu nýbreytni- og þróunarstarf

Framkvæmd hvatningaverðlauna

  • Veitt eru ein verðlaun til einstaklings eða stofnunar. Hægt er að veita sérstakar viðurkenningar fyrir samstarfsverkefni.
  • Auglýst er eftir tilnefningum til hvatningarverðlauna einu sinni á ári.
  • Tilnefningar berist á sérstökum eyðublaðaformi sem er að finna á vef Bókasafnsdagsins.
  • Almenningur og starfsmenn safna geta tilnefnt verkefni til verðlauna.
  • Í dómnefnd sitja þrír fulltrúar, einn frá undirbúningahópi Bókasafnsdagsins, einn frá Félagi forstöðumanna almenningssafan og einn frá Upplýsingu. 

 Tilnefning verkefna er ekki hafin

Vinnureglur dómnefndar

  • Við val á verðlaunahafa skal skoða hvernig verkefnið fellur að ofangreindum markmiðum:
    • Um sé að ræða nýbreytni- og/eða þróunarverkefni sem ekki telst hluti af daglegu starfi viðkomandi starfsstaðar.
    • Verkefnið sé hvatning til eftirbreytni og góðra verka bæði innan viðkomandi starfsstaðar og utan.
    • Leitast skal við að veita viðurkenningu fjölbreyttum verkefnum hvert sinn.

 Kynning tilnefndinga og afhending verðlauna

  • Áhugaverð sem koma til greina til viðurkenningar og verðskuldaða athygli verða kynnt í aðdraganda Bókasafnsdagsins.
  • Verðlaun eru afhent í á Bókasafnsdeginum, 8.september. Verðlaunin eru afhent við hátíðlega athöfn á Morgunkorni Upplýsingar. Verðlaun eru veitt í formi verðlaunagrips og viðurkenningarskjals. 

Veggspjald og kynningarefni bókasafnsdagsins

 Hönnun veggspjalds og kynningarefnis er á lokastigi og verður birt hér í lok maí.

Samfélagsmiðlar

Bókasafnsdagurinn nýtir samfélagsmiðla til hins ýtrasta til þess að vekja athygli á deginum og starfi bókasafna. Hér má sjá upplýsingar um net- og samfélagsmiðlar sem notaðir verða á vegum bókasafnsdagsins og hvernig söfn geta nýtt sér þá. Það er von undirbúningsnefndar að með samstilltu samfélagsmiðlaátaki muni okkur takast að gera Bókasafnsdaginn og bókasöfnin sjálf sýnileg enda er annað markmið dagsins að vekja athygli á mikilvægi bókasafna í samfélaginu. Spurningar, tillögur eða annað sem við kemur samfélagsmiðlum og vefjum beinist til vefstjóra.

Taktu þátt á samfélagsmiðlun með því að nota myllumerki dagsins.

#bokasafnsdagurinn

Við hvetjum alla, unga sem aldna að tengjast á þeim miðlum sem þeir stunda

Hugmyndir

Hugmyndir af uppákomum á bókasafnsdaginn

  • Blása og hengja upp marglitar blöðrur til að skapa stemningu eins og í afmæli 
  • Upplestur fyrir börn/fullorðna
  • Hengja upp gátur/spurningar með textum úr bókum þar sem giska á hvaða bók þetta er
  • Bjóða í kaffi og bakkelsi
  • Ljóðaupplestur
  • Bjóða gestum að taka þátt í að skrifa sögu (samskrif)
  • Hafa kynningu á ákveðnum höfundum/bókaflokki
  • Skipuleggja að hafa fundi svo sem bókaklúbba þennan dag
  • Lifandi tónlist
  • Opin námskeið
  • Bjóða gestum í skoðunarferðir “baksviðs” 
  • Bókmenntagöngur/bókmenntaumfjöllun
  • Skemmtun
  • Starfsmenn mæla með uppáhalds eða að þeirra mati merkilegum fræðibókum
  • Bókapakkar fyrir börn og fullorðna með fræðibókum  t.d. „Fróði fræðimaður” lánar spennandi bókapakka
  • Vísindalegar staðreyndir og/eða fáránlegu fróðleikur prentað út og hengt upp á söfnunum.
  • Auglýsa frí kynningarskírteini
  • Auglýsa og halda örnámskeið á söfnunum á bókasafnsdaginn til að kynna starfsemi safnanna,  eins og leshringi o.fl.
  • Nýta sjónvarpskjáina til að kynna safnið eða bækur. T.d. að láta rúlla myndir af skemmtilegum myndum af öllu sem tengist bókum, bóklestri, bókasöfnum, bókaföndri, bókabílum o.s.frv.
  • Sérstakar uppákomur/efni á vefsíðu í tilefni dagsins
  • Gefa bókamerki / lestrardagbækur
  • Lestrarátak á safninu (hvað verða lesnar margar síður inni á bókasafninu á bókasafnsdeginum?)
  • Samkeppni um slagorð fyrir bókasöfn
  • Gefins bækur (þeir sem hafa sölubás gætu gefið þær þennan daginn)
  • Spurningakeppni (ekki pubquiz heldur libquiz)
  • Bjóða bæjarráðsmönnum/sveitastjóramönnum í formlega heimsókn
  • Setja einhver met innan safnsins
  • Brandarakeppni
  • Bjóða upp á að skrifa bréf til bókasafnsins sem hengt verður upp
  • Bjóða viðskiptavinum að koma kjósa 100 bestu bækurnar/ uppáhalds íslensku bókina sína / uppáhalds handbókina
  • Sýning á gömlum munum, bókum og fleiru tengdu fyrri árum bókasafnsins
  • Myndlistasýning
  • Bókmenntagetraun
  • Sektarlaus dagur
  • Viðhorfskannanir
  • Fræðibókaþema, leggja áherslu á fræðibækur og stilla út fræðibókum.
  • Fá bókaútgefanda til þess að gefa verðlaun í happdrætti/spurningaleik

Undirbúningsnefnd Bókasafnsdagsins 2018

Fulltrúi og formaður Upplýsingar

Kristjana Mjöll

Upplýsingafræðingur, Landsbókasafn-Háskólabókaafn

Arna Emilía Vigfúsdóttir

Bókasafns- og upplýsingafræðingur, Bókasafn Menntaskólans í Reykjavík

Arnfríður Jónasdóttir

Deildarbókavörður, Menningarhús Kringlunni

Margrét Björnsdóttir

Forstöðumaður skólasafnaþjónustu, Skóla- og frístundasvið Reykjavíkur

Edda Hrund Svanhildardóttir

Bókasafns- og upplýsingafræðingur, viðburðastjóri, Bókasafn Hafnarfjarðar

Vef- og miðlastjóri Upplýsingar

Óskar Þór Þráinsson

Verkefnastjóri, Mosfellsbær

Margrét Sigurgeirsdóttir

Forstöðumaður, Bókasafn Garðabæjar

Hilma Gunnarsdóttir

Upplýsingaþjónusta og notendafræðsla, Landsbókasafn-Háskólabókasafn

Hafðu samband