Upplýsingalæsi

Um upplýsingalæsi:

Skilgreining á upplýsingalæsi samkvæmt Prag yfirlýsingunni um eflingu upplýsingalæsis í samfélaginu er m.a.:
Að geta fundið, staðsett, metið, skipulagt og notað upplýsingar á skilvirkan hátt við að fjalla um þau málefni og viðfangsefni sem fyrir liggja hverju sinni.

Upplýsingalæsi er talin forsenda þess að geta tekið fullan þátt í upplýsingaþjóðfélaginu.

Vert er að benda á Alexandríuyfirlýsingua  um upplýsingalæsi og símenntun sem er frá árinu 2005.

Á Kennsluvef um upplýsingalæsi er m.a. fjallað um bókasöfn, gagnasöfn, Netið sem heimild, leitarvélar og leitaraðferðir, trúverðugleika heimilda, höfundarétt og siðfræði og gefnar ábendingar og ráð um ritgerðasmíð. 

Um netheimildir:

Við notkun heimilda er mikilvægt að átta sig á áreiðanleika þeirra. Á þetta sérstaklega við um heimildir af Netinu.

Um mat á áreiðanleika heimilda má benda á vefinn Netheimildir  þar sem er að finna ábendingar við gæðamat upplýsinga af Netinu og grein Þórdísar T. Þórarinsdóttur Netið sem heimild (Bókasafnið 23.árgangur) . Hugleiðingar um mat á áreiðanleika upplýsinga á Internetinu.